logo

Qarasaasiakkut oqilisaassutit suliffeqarfinnut tulluartut

ILUAQUT suleriaatsinik oqilisaanermik aammalu ullutsinnut tulluarsaanermut ukkataqarpoq. Ulluinnarni suleriaatsit sullitatsinnut oqilisaaffiginissaat qarasaasiarsornikkut allaffissornikkullu ilisimasaqarfigilluarparput.

cover

Suliarisagut

cover

Immersungassanik nutarsaaneq

Pappialarsorluni immersungassanik atuinerup nutarsarnissaa qarasaasiakkullu atoruminarsarnera ukkataraarput.

Atoruminarsaanitsigut sullitagut aaliangersimasumik suleriaasiliuuttarpagut naammassiniagassaannut tulluartunik qarasaasiakkut nammineq ingerlasunik. Taama suleqatigiinnermi suleriaatsit pitsaanerusumik akimmiffissakinnerusumik ingerlaveqalertarput.

Sulliviliarput qarasaasiakkoortoq ateqarpoq "Sullivik", taanna atuisunut atoruminarsagaavoq suliassanullu isumaginninnermi ajornanngitsumik ingerlatassaalluni.

Tanngassimaarutigaarput digitalikkut nutarsaanermi peqataagatta, suliffeqarfiit peqatigiiffiillu nutaaliornerinut suleriaatsiminnullu siunissamut nutarsaanerinut ikiuussinnaagatta.

Read more

cover

Sulliviit tulluarsaqqissaakkat

ILUAQUT qarasaasiakkut sullivinnik suliffeqarfinnut allaffinnullu aaliangersimasunut tulluarsakkanik tunniussisarpoq, tassanilu sullitatta piumasaat immikkuullarissut tusaaniaqqissaartarpagut.

Suleqatigiilluta ilisimasagut digitalimik nutarsaanermik aallaavillit atorlugit sullivinnik pisariaqartitasi perusutasilu malillugit sanasarput. Nalunngilluarparput pitsaasumik sunniuteqarluartumillu sulliveqarnissaq suleriaaseqarnissarlu pisariaqartoq, taamaattumik tanngassimaarutigaarput sullitatta anguniagaat suliffimmullu tunngatillugu pingaartitaat malillugit sulliviliorsinnaagatta.

Misilittakkagut pisinnaasagullu aallaavigalugit suliassat unammillernartut annertusinnaasullu aalluttareerpagut piareersimaffigisarlugillu, taamaattumik suliffeqarfissi allaffeqarfissiluunniit ineriartornermi nutarsaanermilu alloriarfissaata tullianut ingerlaqqinnissaanut peqataanissatsinnut piareersimavugut tulluarsakkanik sullivilioqataassalluta.

Read more

cover

Suleriaatsinik pitsanngorsaaneq

Ilisimasatta annertunerit ilagivaat suliassi ingerlaneranni ersarittumik oqilisaaffigisinnaaneri, taassuma iluani suliap ingerlarngata ilaa nammineq ingerlasunngorlugu aaqqiivigisarparput, tassuunalu aamma suliap ingerlanerani inummit kukkussutaasinnaasut annikillisartarlugit.

Suleriaatsinik nutarsakkanik sanaarisatsinnik suliffeqarfissinnut allaffeqarfissinnulluunniit tulluarsakkanik atuinissinni piffissamik nukinnillu sulisusi sipaarfigisinnaavasi suleriaatsinillu ersarinnerusunik tutsuiginartunik pilersitsillusi.

Digitalikkut nutarsaanissinni alloriarnissassi tulliani peqataanissamut piareersimavugut, maaniippugullu suleriaasissi allaffissornissilu pitsanngorsarneqarnissaanut suleqatiginissassinnut piareersimalluta.

Read more

Uagut pilluta

ILUAQUT suliffeqarfitta aqqa suleriaasitsinnut suliatsinnullu tulluartillugu isumaqartipparput atsiunnikuullugulu.

Uagutsinnut pisariaqarpoq aaqqiissutigut suliagullu tamatigut ersarittumik siunertaqarneri takutissinnaanissaat. Tassani sullitatsinnut sanaagut akueriuminartumik nukissanik piffissamillu sipaarfiusumik takutitsisinnaanissaat pingaartipparput.

Nunatsinni suliffeqarfiuvugut pingasunik nunatsinneersunik sulisoqarluta. Taamaattumik illoqarfinni inoqarfinnilu atungassarititaasut ilisimasaqarfigilluarpagut suliagullu tulluarsartuarlugit.

Suleqatigiit

profile

Mark Hvistendahl

Aqutsisoq

Mark Aalborg Universitetimi nunarsuarmi niuernermi ataqatigiimmik aaqqissuussinermut ingeniøritut ilinniarsimasuuvoq.

Markip pisariaqartitat eqqummaariffingisarpai aammalu sunniuteqarluartunik aaqqiissuteqarnissaq pikkoriffingalugu. Periaatsit ilisimasani misissueqqissaarnerlu atorlugit pitsaasunik aaqqiissuteqartarpoq.

Mark Upernavimmi Nuummilu peroriartorpoq.

Read more

profile

Ole Olsvig

Aqutsisup tullia

Ole ineriartortitsinikkut qarasaasiakkullu sulliviliornikkut ukiut ingerlaneranni misilittangartusivoq, taamaattumillu qarasaasiakkut suleriaasiliornikkut ilisimasaqarluarluni.

Suliffeqarfissinni nutarsaanissamut suleriaatsinillu pitsanngorsaanissamut piareersimavoq, suliffeqarfissinni anguniakkasi suleriaatsillu pitsaanerusut angujumallugit.

Ole avannaaninngaaneerpoq nunaqarfimmit Naajaat-niit.

Read more

profile

Lasse Bloch Petersen

Paasissutissanik isumannaallisaanermi siunnersorti

Lasse malittarisassaq ISO 27001 pillugu itisuumik ilisimasaqarpoq. Suliffeqarfiup isumannaatsuunissaanut politikki pillugu paasisimannilluartuuvoq tulluarsaallaqqillunilu.

Ajutoorutaasinnaasut piareersimaffiginissaannut, suleriaatsinut nakkutilliinermut aammalu isumannaallisaanermi aaliangersakkatigut misilittangaqarluarpoq.

Malittarisassap ISO 27001-p eqqortumik malinneqarnissaanut pingaartitsivoq allanullu piumasaqaatinut aamma suleqataanissaminut piareersimalluni.

Read more

Suliffeqarfiit sullitagut

Customer Icon
Customer Icon
Customer Icon

Attavigitigut

Ullumi attavigitigut paasiniaalluarusukkussi qanoq digitalimik nutarsaanissinni ikioqatigiissinnaanersugut, suleriaasisi suliffeqarfissilu pitsanngorsarusullugit.

Immersungassaq ataaniittoq immersoruk, 530 500-mut sianerfigitigut imaluunniit email-ikkut attavigitigut uunga info@iluaqut.gl.


logo

ILUAQUT IT Consulting & Developmet | Nuuk, Grønland

© 2023. All rights reserved.

Grønlandsk Flag Dansk Flag